ការ ប្រើប្រាស់ Email មានសារប្រយោជន៍ចំពោះទំនាក់ទំនងប្រចាំថ្ងៃ ប៉ុន្តែនៅពេលមួយ លោកអ្នកប្រហែលជាចង់លុបគណនីរបស់ខ្លួនចោលដោយសារមូលហេតុ ចាំបាច់ណាមួយ ។ ដូច្នេះ លោកអ្នកអាចធ្វើការលុបគណនីចោល ទៅតាមលក្ខខ័ណ្ឌនៃការលុបរបស់ក្រុមហ៊ុនផ្តល់សេវាកម្ម Email នីមួយៗ ។
- ដើម្បីលុបគណនី Email របស់លោកអ្នកចេញពីសេវាកម្មរបស់ក្រុមហ៊ុន Yahoo លោកអ្នកអាចអនុវត្តតាមជំហានជាបន្តបន្ទាប់ដូចតទៅនេះ ។
១. សូមបើកកម្មវិធីរុករកគេហទំព័រណាមួយដែលលោកអ្នកចង់ប្រើប្រាស់ រួចវាយអាសយដ្ឋាន https://edit.yahoo.com/config/delete_user ហើយនៅពេលនោះ លោកអ្នកនឹងឃើញផ្ទាំងថ្មីមួយដូចខាងក្រោម ៖
 |
២. សូមបញ្ចូលអាសយដ្ឋាន និងលេខកូដសម្ងាត់នៃគណនីរបស់លោកអ្នកនៅក្នុងប្រអប់ Yahoo ID និង Password រួចចុចប៊ូតុង Sign In ។ បន្ទាប់មក វានឹងបង្ហាញផ្ទាំងថ្មីមួយទៀត ។
 |
៣. នៅលើផ្ទាំងនេះ លោកអ្នកអាចអានការណែនាំផ្សេងៗដែលនៅផ្នែកខាងលើ ។ ជាចុងក្រោយ សូមបំពេញលេខកូដសម្ងាត់ជាថ្មី ហើយវាយពាក្យផ្ទៀងផ្ទាត់នៅក្នុងប្រអប់បន្ទាប់សូមចុចប៊ូតុង Terminate this Account ជាការស្រេច ។
- លោកអ្នកអាចលុបគណនីរបស់លោកអ្នកចេញពីសេវាកម្ម Gmail ដោយអនុវត្តតាមជំហានជាបន្តបន្ទាប់ដូចតទៅ ។
១. សូមវាយអាសយដ្ឋាន និងលេខកូដសម្ងាត់ដើម្បីចូលគណនីរបស់លោកអ្នក ។ ពេលនោះ វានឹងបង្ហាញផ្ទាំងគេហទំព័រដូចខាងក្រោម ៖
 |
២. សូមចុចនៅលើពាក្យ Setting រួចចូលផ្ទាំង Account
 |
3. នៅផ្នែកខាងក្រោមនៃផ្ទាំង Account សូមចុចពាក្យ Google Account Setting ហើយផ្ទាំងថ្មីមួយទៀតនឹងបង្ហាញឡើងដូចរូបខាងក្រោម ៖
 |
៤. សូមចុចនៅលើ Edit ដែលនៅក្បែរពាក្យ My products
 |
៥. ជាចុងក្រោយ សូមបន្តចុចលើពាក្យ Close account and delete all services and info associated with it ហើយបន្ទាប់ពីនោះ គណនីរបស់លោកអ្នកនឹងត្រូវបានលុបចោល ៕
Source: Soursdei