បើក​គណនី Administrator នៅលើ Windows 7 ឬ Vista

គណនី Administrator ជា​គណនី​មួយ​ដែល​មាន​សិទ្ធិ​ធ្វើការ​ច្រើន​ជាងគេ ហើយ​វា​ត្រូវ​បាន​បង្កើត​ឡើង​ដោយ​ស្វ័យ​ប្រវត្តិ​បន្ទាប់ពី​ការ​ដំឡើង​ ប្រព័ន្ធ​ប្រតិបត្តការ ។ នៅក្នុង​ប្រព័ន្ធ​ប្រតិបត្តការ Windows 2000 ឬ XP គណនី Administrator អាចត្រូវ​បាន​គេ​ប្រើ​ជា​ធម្មតា​ ប៉ុន្តែ​សម្រាប់​ប្រព័ន្ធ​ដំណើរការ​ប្រភេទ Windows 7 ឬ Vista លោកអ្នក​មិន​អាច​យកមក​ប្រើ​គណនី​នេះបានទេ​​ប្រសិនបើ​លោកអ្នក​មិន​ចូល​ទៅ​បើក ​មុខងារ​របស់​វា ។ ដូច្នេះ ដើម្បី​បើក​ឱ្យ​គណនី Administrator យក​មកប្រើប្រាស់​បាន លោកអ្នក​អាច​អនុវត្ត​តាម​វិធីសាស្ត្រ​ពីរ​ដូចខាងក្រោម ៖

របៀបទី​មួយ
១. ដំបូងសូម​ចុច​កណ្ដុរ​ស្តាំលើ Computer រួច​ចុច​លើពាក្យ Manage ។

២. សូម​ចុច​លើពាក្យ System Tools រួច Local Users and Groups ហើយ​ចុច​លើ Users ។

៣. សូម​ចុច​កណ្តុរ​ស្តាំលើ Administrator រួច​ជ្រើសរើស​យក​ពាក្យ Properties ។

៤. បន្ទាប់​មក​សូម​ធ្វើការ​ដក​សញ្ញា​សម្គាល់​​នៅមុ​ខពាក្យ Account is disabled រួចចុចប៊ូតុង OK ។

របៀបទី​ពីរ
១. សូម​ចូល​ទៅ​កាន់ Command Prompt តាមរយៈ Start > All programs > Accessories > Command Prompt ។

២. នៅក្នុង​ផ្ទាំង Command Prompt សូម​វាយ​នូវ​បញ្ជា "net user administrator /active:yes​" រួច​ចុច Enter នៅលើ​ក្តារ​ចុច​ជាការ​ស្រេច ៕

Source: soursdei