ដើម្បីកំណត់ឲ្យបើកកម្មវិធីដោយស្វ័យប្រវត្តិនៅពេលដំណើរការ ប្រព័ន្ធប្រតិបត្តិការ លោកអ្នកត្រូវស្គាល់អំពីទីតាំងដើម្បីកំណត់ និងវិធីកំណត់ ។ សម្រាប់ទីតាំងកំណត់បន្ថែមកម្មវិធីដើម្បីដំណើរការដោយស្វ័យ ប្រវត្តិគឺជាសឺមី Startup ដែលស្ថិតក្នុង Start Manu ហើយវិធីកំណត់ដោយផ្ទាល់គឺស្ថិតនៅក្នុង Microsoft Configuration ។ សូមមើលវិធីទាំងពីរខាងក្រោមដើម្បីធ្វើការកំណត់ ។
ការកំណត់កម្មវិធីឲ្យដំណើរការដោយស្វ័យប្រវត្តិបន្ថែម
១.ចុច Start រួចចូលទៅកាន់ All Programs ហើយចុចកណ្តុរស្តាំលើ Startup ។ បន្ទាប់មកជ្រើសយក Explorer ហើយផ្ទាំងថ្មីនឹងបង្ហាញលោកអ្នក ។
២.សូមថតចម្លង (Copy) Shortcut icon របស់កម្មវិធីដែលលោកអ្នកចង់ឲ្យដំណើរការដោយស្វ័យប្រវត្តិនោះពី Desktop ឬ All Programs ទៅដាក់ក្នុងសឺមីនៃផ្ទាំងដែលបានបង្ហាញ ។
៣.បិទបើកកុំព្យូទ័ររបស់លោកអ្នកជាថ្មីម្តងទៀត ហើយនៅពេលដែលប្រព័ន្ធប្រតិបត្តិការដំណើរការជាថ្មី Shortcut icon របស់កម្មវិធីដែលលោកអ្នកមាននៅក្នុងសឺមី Startup នឹង Link ទៅកាន់កម្មវិធីដោយផ្ទាល់ ហើយបើកដោយស្វ័យប្រវត្តិ ។
វិធីកំណត់ដោយផ្ទាល់គឺស្ថិតនៅក្នុង Microsoft Configuration
១.ចុច Start រួចវាយ msconfig នៅក្នុងប្រអប់ស្វែងរក ហើយផ្ទាំង System Configuration console នឹងចេញមកបង្ហាញលោកអ្នក ។
២.ចូលទៅកាន់ផ្ទាំង Startup ហើយវានឹងបង្ហាញលោកអ្នកនូវកម្មវិធីទាំងអស់ដែលបានតម្លើង ។ បន្ទាប់មកជ្រើសរើសវាដោយដាក់សញ្ញាសម្គាល់នៅខាងមុខឈ្មោះ កម្មវិធី ហើយចុច Apply ។
៣.បិទបើកកុំព្យូទ័ររបស់លោកអ្នកជាថ្មីម្តងទៀត ហើយនៅពេលដែលប្រព័ន្ធប្រតិបត្តិការដំណើរការជាថ្មី កម្មវិធីដែលលោកអ្នកបានដាក់សញ្ញាសម្គាល់ខាងមុខនឹងដំណើរការដោយ ស្វ័យប្រវត្តិ ៕
source: Soursdei
source: Soursdei