តាមការ វិភាគរបស់ក្រុមអ្នកមានបច្ចេកទេសខ្ពស់ៗក្នុងការរចនារូបភាព ត្រីមាឌ (3D) បានបញ្ជាក់ឲ្យដឹងថា មានកម្មវិធីចំនួន៨ដែលមានសមត្ថភាពខ្ពស់ក្នុងការរចនារូបផ្ទះ និងប្លង់ផ្ទះដែលរួមមានដូចខាងក្រោមនេះ ។
Archifacile ជាកម្មវិធីមានកំណត់ ប៉ុន្តែវាមានសមត្ថភាពខ្ពស់ក្នុងការរចនា និងមានពន្លឺស្រស់ស្អាត ។ វាអាចដំណើរការបានជាមួយប្រព័ន្ធប្រតិបត្តិការប្រភេទ Window XP Vista និង 7 ។ នៅពេលដែលលោកអ្នកគូររូបជញ្ជាំងមួយ បន្ទាត់នឹងរត់មកដើម្បីជំនួយលោកអ្នកឲ្យគូរបានត្រង់ ហើយលោកអ្នកក៏អាចបើក ដក ដាក់ និងកំណត់វត្ថុ និងចំនួនមាឌ (Demionsion) របស់វា ។ កម្មវិធីនេះមានសមត្ថភាពខ្ពស់ បើកបានលឿន និងពុំមានការកត់ត្រា (Cache) ច្រើនពេកទេ ។
Sweet Home 3D ជាកម្មវិធីម្យ៉ាងដែលមានគុណសម្បត្តិច្រើនក្នុងការរចនាព្រោះវា អាចប្រើប្រាស់បានគ្រប់ប្រព័ន្ធប្រតិបត្តិការទាំងអស់រួមមាន Mac OS X និង Linux ព្រមទាំង Windos ។ កម្មវិធីនេះអាចឲ្យលោកអ្នកបន្ថែមនូវ Object ផ្សេងៗចូលបាន ហើយអាចមើលរូបភាពផ្ទះរបស់លោកអ្នកជារូបប្រភេទត្រីមាឌ (3D) ។ លោកអ្នកអាចកំណត់ផ្នែកនីមួយៗក្នុងប្រវែងជាម៉ែត្រការេបាន ហើយលោកអ្នកក៏អាចកំណត់គ្រឿងសង្ហារឹម សំភារៈផ្ទះបាយ និងអ្វីៗដែលលោកអ្នកចង់ដាក់ក្នុងផ្ទះរបស់លោកអ្នក ។
3D architecture កម្មវិធីនេះជាកម្មវិធីដ៏ល្អមួយ ប៉ុន្តែកំពុងស្ថិតក្នុងជំនាន់សាកល្បង ។ លោកអ្នកអាចប្រើប្រាស់បានជាមួយកម្មវិធីជំនាន់មុនរបស់វា ប្រសិនលោកអ្នកចង់ប្រើប្រាស់វាបានគ្រប់កិច្ចការងារ ។ លោកអ្នកត្រូវចំណាយប្រាក់ចំនួន ៤៩,៥៤២៧ដុល្លារដើម្បីទិញអាជ្ញាប័ណ្ណនៃកម្មវិធីនេះ ។ កម្មវិធីនេះមានសមត្ថភាពប្រសើរក្នុងការរចនាសំណង់អគារធំៗដែលមាន កំពស់ច្រើនជាន់ ដូចនេះការដំណើរការរបស់វាមានតម្រូវការខ្ពស់ ។ ប្រសិនបើកុំព្យូទ័ររបស់លោកអ្នកមានសមត្ថភាពមិនគ្រប់គ្រាន់ កម្ម វិធីនេះមិនអាចដំណើរការបានទេ ជាពិសេសអង្គគណនារូបភាព (Graphic Card) ។ ជាមួយកម្មវិធីនេះ លោកអ្នកអាចដាក់បញ្ចូលនូវគ្រឿងបន្ទាប់បន្សំ ទ្វារ និងគ្រឿងសង្ហារឹមផ្សេងៗទៀតសម្រាប់ប្រើប្រាស់ក្នុងការរចនា ។
Google SketchUp ជាកម្មវិធីមិនមានភាពទូលំទូលាយដូចកម្មវិធី Sweet Home 3D ពីព្រោះវាពុំអាចប្រើប្រាស់បានជាមួយប្រព័ន្ធប្រតិបត្តិការ Linux ។ កម្មវិធីនេះរចនារូបភពប្រភេទទ្វេរមាឌ (2D) រួចទើបបំលែងជារូបភាពប្រភេទត្រីមាឌ (3D) ។ រាល់ការរចនារបស់លោកអ្នកគឺពុំមានការកំណត់ទូទៅសម្រាប់ធនធាន ទាំងឡាយដូចជាគ្រឿងសង្ហារឹម អំពូល និងសំភារៈផ្សេងទៀត ។
IKEA Home Planner កម្មវិធីនេះមានទំនាក់ទំនងយ៉ាងស្អិតរមួតទៅនឹងការកំណត់ដោយ ផ្ទាល់ដូចជាការបន្ថែមឧបករណ៍ប្រភេទត្រីមាឌ (3D Objects) ។ ភាគច្រើនគេប្រើប្រាស់កម្មវិធីនេះដើម្បីរចនា Apartment ដែលលោកអ្នកអាចរចនាបានជាមួយគ្រឿងសង្ហារឹមដ៏ស្អាតៗជាច្រើន របស់ Ikea ប៉ុន្តែមានគ្រឿងសង្ហារឹមមួយចំនួនតម្រូវឲ្យលោកអ្នកទិញ ។ នៅក្នុង IKea មានលក់នូវសំភារៈថ្មីសម្រាប់ឆ្នាំ២០១០ ដូចជាម៉ូដបន្ទប់ប្លែកៗ ឧបករណ៍អេឡិកត្រូនិក ឧបករណ៍បន្ទប់ទឹក និងឧបករណ៍ផ្ទះបាយ ។ ទោះបីជាមានសំភារៈជាច្រើនតម្រូវឲ្យលោកអ្នកទិញយកមករចនាក៏ដោយ ប៉ុន្តែនៅពេលដែលលោកអ្នករក្សាទុកគម្រោង លោកអ្នកក៏អាច Encrypt វាចៀសវាងមានគេលួចកម្មសិទ្ធិបញ្ញារបស់លោកអ្នក ។
Home Style ជា កម្មវិធីមួយក្នុងចំណោមកម្មវិធីល្បីៗទាំង៨នេះ ប៉ុន្តែវាជាកម្ម វិធីរចនារូបភាពតាមរយៈគេហទំព័រដែលតម្រូវឲ្យលោកអ្នកចូលទៅ បង្កើតគណនីមួយនៅក្នុងគេហទំព័ររបស់ Home Style រួចរចនារូមភាព និងរក្សាទុកនៅក្នុងគណនីរបស់លោកអ្នក ។ កម្មវិធីនេះមានភាពងាយស្រួលបំផុតព្រោះតែវាអាចឲ្យលោកអ្នកធ្វើ ការងាររបស់លោកអ្នកយ៉ាងជិតស្និតជាមួយប្រព័ន្ធអ៊ីនធើណិត ។ ក្នុងការរចនាជាមួយកម្មវិធីនេះ លោកអ្នកក៏អាចបន្ថែមសំភារៈ ដើម្បីរចនាផងដែរដូចជា ជញ្ចាំង បង្ហួច ទ្វារ គ្រឿងសង្ហារឹម ។ល។ ការដំណើរការរបស់កម្មវិធីនេះលឿន ស្រួលប្រើប្រាស់ រូបភាពច្បាស់ និងការបង្ហាញស្រស់ត្រកាលផងដែរ ។ ការបង្កើត និងរចនានៅលើគេហទំព័ររបស់វាមិនត្រូវបានគិតថ្លៃនោះ ទេ ។
Space Designer 3D ជាកម្មវិធីមួយនៅលើប្រព័ន្ធអ៊ីនធើណិតដែលមានសមត្ថភាពប្រហាក់ ប្រហែលទៅនឹង Home Style ហើយភាគច្រើនគេប្រើប្រាស់វាដើម្បីរចនាផ្ទះបាយព្រោះវាមាន សំភារៈច្រើនសម្រាប់ផ្ទះបាយ ។ កម្មវិធីនេះពុំត្រូវបានគិតថ្លៃនោះទេ ។
Floor Planner ជាកម្មវីធីដែលប្រើប្រាស់នៅលើប្រព័ន្ធអ៊ីនធើណិតដូចគ្នាទៅ នឹង Home Style និង Space Designer 3D ដែរ ហើយសមត្ថភាពរបស់វាមានភាពប្រហាក់ប្រហែលគ្នាក្នុងតួនាទីរចនា ។ ក៏ប៉ុន្តែកម្មវិធីនេះមានភាពលេចធ្លោក្នុងការរចនាអគារច្រើនជាន់ ។
ជាចុងក្រោយគឺកម្មវិធី Autodesk ដែលលោកអ្នកធ្លាប់ស្គាល់យ៉ាងច្បាស់ថា វាមានសមត្ថភាពខ្ពស់ក្នុង ការរចនា ហើយវាមានជំនាញខ្ពស់ក្នុងការរួមចំណែករចនាជាមួយស្ថាបត្យករយ៉ាង ច្រើនទូទាំងពិភពលោក ៕
Source: Soursdei
Source: Soursdei