ចំនេះដឹងពីបច្ចេកវិទ្យា: Network

Showing posts with label Network. Show all posts

Sunday, November 27, 2011

ការណែនាំអំពីសេវាកម្ម Google+

Google+ (Google Plus) គឺជាសេវាកម្មបម្រើការទំនាក់ទំនងតាមរយៈប្រព័ន្ធអ៊ីនធើណិតរបស់ ក្រុមហ៊ុន Google ដែលមានលក្ខណៈប្រហាក់ប្រហែលគ្នាទៅនឹងគេហទំព័រ Facebook ដែរ ។ សម្រាប់អ្នកប្រើប្រាស់សេវាកម្មនេះ លោកអ្នកប្រហែលជាមានអារម្មណ៍ចម្លែកបន្ដិចដោយសារតែវាមានលក្ខណៈខុស ប្លែកពីសេវាកម្មមុនៗទាំងឈ្មោះ ការរចនា និងមុខងារជាដើម ។

ខាងក្រោមនេះគឺជាការណែនាំពន្យល់ខ្លះៗអំពីមុខងារសំខាន់ទាំង ៥ នៅក្នុងសេវាកម្ម Google+ ៖

១. Stream: ជាមុខងារចែករំលែករឿងរ៉ាវផ្សេងៗរបស់អ្នកប្រើប្រាស់ទាំងពាក្យសម្ដី រូបភាព ការភ្ជាប់ទៅកាន់វែបសាយត៍ ឬវីដេអូទៅកាន់ក្រុមមិត្តភក្ដិដែលលោកអ្នកចង់ឱ្យពួកគេដឹង ។

២. Circle: ជាមុខងារមួយដែលផ្ដល់សិទ្ធិឱ្យលោកអ្នកអាចរៀបចំឈ្មោះមិត្តភក្តិទៅតាមក្រុម ឬកម្រិតនៃភាពជិតស្និទ្ធ ។

៣. Hangouts: ជាសេវាកម្មសម្រាប់ឱ្យលោកអ្នកអាចប្រើប្រាស់មុខងារជជែកកំសាន្ដតាម រយៈ Web Cam ដែលអាចមើលមុខជាមួយមិត្តភក្ដិរបស់លោកអ្នក ។

៤. Sparks: ជាមុខងារដែលប្រមូលផ្ដុំនូវរូបភាព សារ និងខ្លឹមសារនានារបស់អ្នកដទៃដែលគួរឱ្យចាប់អារម្មណ៍ដោយយកមក បង្ហាញឱ្យលោកអ្នកបានឃើញដើម្បីយកមកធ្វើជាគំនិតល្អៗ ឬដើម្បីពិនិត្យមើលថាតើក្នុងពេលបច្ចុប្បន្នមានការពេញនិយមទៅលើ អ្វីខ្លះ ។

៥. Huddles: ជាមុខងារដែលអាចឱ្យលោកអ្នកជជែកកំសាន្ដជាមួយមិត្តភក្ដិតាមរយៈ ទូរស័ព្ទដោយអាចសន្ទនាជាលក្ខណៈដៃគូ ឬជាក្រុម ។ បន្ថែមលើនេះ នៅពេលទទួលបានសារនៅក្នុង Huddles វានឹងបញ្ជូនព័ត៌មានទៅក្នុងទូរស័ព្ទរបស់លោកអ្នកដើម្បីឱ្យលោកអ្នក បានដឹង ។

មុខងារទាំង ៥ ខាងលើសុទ្ធតែខុសប្លែកពីសេវាកម្មដទៃ ហើយវាសុទ្ធតែគួរឱ្យចាប់អារម្មណ៍ខ្លាំងទៀតផង ។ ប្រសិនបើលោកអ្នកមិនទាន់បានប្រើប្រាស់វានៅឡើយទេ សូមសាកល្បងបង្កើតគណនី Google + ដោយចុចនៅត្រង់នេះ ៕

Source: Soursdei

Wednesday, November 23, 2011

របៀបភ្ជាប់ទំនាក់ទំនងជាមួយគ្នារវាងកុំព្យូទ័រពីរ

ប្រសិនបើលោកអ្នកមានត្រឹមតែខ្សែភ្ជាប់ទំនាក់ទំនងមួយសរសៃដែលមានក្បាលប្រភេទ RJ45 តើលោកអ្នកនឹងអាចចែកចាយទិន្នន័យរវាងកុំព្យូទ័រពីរដែលប្រើប្រាស់ប្រព័ន្ធប្រតិបត្តិការ Windows 7 ដោយរបៀបណា ? សូមមើលជំហានងាយៗខាងក្រោមដើម្បីធ្វើការភ្ជាប់កុំព្យូទ័រពីរ គ្រឿងដែលប្រើប្រាស់ប្រព័ន្ធប្រតិបត្តិការ Windows 7 ដូចគ្ នា។

១. ជាទូទៅ កុំព្យូទ័រពុំមានការតភ្ជាប់អ្វី ហើយឥឡូវយើងចង់ភ្ជាប់ Network ពី Computer មួយទៅ Computer មួយទៀតដើម្បីចែកចាយទិន្នន័យគ្នាទៅវិញទៅមកតាមរយៈខ្សែភ្ជាប់ទំនាក់ទំនង ។

២. មុនដំបូងយើងត្រូវយកខ្សែ Network ដែលយើងកឹបរួចមកភ្ជាប់នៅលើម៉ាស៊ីន Computer មួយ ហើយទៅភ្ជាប់ម៉ាស៊ីនផ្សេងមួយទៀតបន្ទាប់មកយើងចូលទៅចុចនៅលើ Network ហើយ Mouse ស្តាំលើវា ហើយចុចលើ Properties ។ បន្ទាប់មកចុចលើ Details ដើម្បីមើលលេខកូដកុំព្យូទ័រ (IP) ។

៣. ការកំណត់លេខកូដកុំព្យូទ័រ (IP) របស់ម៉ាស៊ីនដើម្បីភ្ជាប់ Computer ទៅ Computer ដែលយើងចូលទៅកំណត់គឺត្រូវចុចកណ្តុរបញ្ជាខាងស្តាំលើ Network ហើយយកពាក្យថា Properties រួចចុចលើ Manage Wireless Networks ទៅកាន់ Adapter Properties រួច Internet Protocol Version 4(TCP/IPv4) ចុចលើវាពីរដង វានឹងចេញកន្លែងកំណត់ ឬចុចពាក្យ Properties ចេញដូចគ្នា ហើយជ្រើសរើស use the following IP address ប៉ុន្តែយើងដាក់លេខកូដកុំព្យូទ័រ (IP) សងខាង ។

បញ្ចាក់ ៖ ឈ្មោះកុំព្យូទ័រ និងលេខកូដកុំព្យូទ័រទាំង២មិនត្រូវដូចគ្នានោះឡើយ បើពុំនោះទេកុំព្យូទ័រទាំង២ពុំអាចទំនាក់ទំនងគ្នាបានឡើយ។

ឧទាហរណ៏៖ IP របស់កុំព្យូទ័រទី១ : 192.168.101.101 ឈ្មោះរបស់កុំព្យូទ័រទី១ A ។ IP កុំព្យូទ័រទី២ : 192.168.101.102 ឈ្មោះកុំព្យូទ័រទី២ B ។

ចែករំលែកឯកសារពីកុំព្យូទ័រមួយទៅកុំព្យូទ័រមួយទៀត

ដើម្បីធ្វើការចែករំលែកឯកសារណាមួយ យើងចាំបាច់ត្រូវតភ្ជាប់ខ្សែបណ្ដាញរវាងកុំព្យូទ័រទាំងពីរឱ្យ ស្គាល់គ្នាជាមុនសិន ។ ជាបន្ទាប់ យើងត្រូវបិទ កម្មវិធី Firewall របស់ម៉ាស៊ីនកុំព្យូទ័រចោលដើម្បីជៀសវាងបញ្ហារអាក់រអួលណាមួយកើតឡើង ។ ខាងក្រោមនេះ គឺជាដំណាក់ការណែនាំអំពីរបៀបចែករំលែកឯកសារពីកុំព្យូទ័រមួយទៅ កុំព្យូទ័រមួយទៀត ។

១. សូមជ្រើសរើសថតទុកឯកសារណាមួយដែលលោកអ្នកចែករំលែក (ករណីវាជាឯកសារ សូមបង្កើត folder មួយសម្រាប់ផ្ទុកឯកសារនោះ) ។

២. សូមចុចកណ្តុរស្តាំនៅលើថតឯកសារ ហើយចុចលើពាក្យ properties រួចវានឹងបង្ហាញផ្ទាំងមួយ ។ សូមមើលរូបខាងក្រោម ៖

៣. បន្ទាប់មក សូមចូលផ្ទាំង Sharing ហើយចុចប៊ូតុង Share ។ ពេលនោះវានឹងលេចឡើងនូវផ្ទាំងថ្មីមួយទៀត ។

៤. សូមជ្រើសរើសប្រភេទអ្នកប្រើប្រាស់ដែលលោកអ្នកចង់ចែករំលែក រួចចុចប៊ូតុង Add ។ នៅក្នុងករណីនេះ លោកអ្នកក៏អាចកំណត់នូវកម្រិតប្រើប្រាស់ឯកសាររបស់លោកអ្នកដោយ គ្រាន់តែចុចសញ្ញាព្រួញក្នុងក្រឡោន Permission Level ដើម្បីជ្រើសរើសកម្រិត ។ ជាចុងក្រោយ សូមចុចប៊ូតុង Share ។

នៅក្នុងកុំព្យួទ័រដែលជាអ្នកទទួលឯកសារ លោកអ្នកគ្រាន់តែបើកផ្ទាំង Windows Explorer ហើយចូលក្នុងថតឯកសារចែករំលែកថ្មីដែលនៅផ្នែកខាងឆ្វេងជាការស្រេច ៕

source: Soursdei

Tuesday, November 22, 2011

តភ្ជាប់កុំព្យូទ័រពីរគ្រឿង តាមរយៈ USB (Connect two computers for files and internet sharing)

វិធីដែលងាយស្រួលបំផុតសម្រាប់តភ្ជាប់កុំព្យូទ័រពីរគ្រឿង ឱ្យអាចផ្លាស់ប្ដូរហ្វៃល៍គ្នាបាន នោះ គឺតាមការប្រើខ្សែ USB-USB Cable ។ បើយើងតភ្ជាប់កុំព្យូទ័ររបស់យើងតាមវិធីនេះ យើងអាច Transfer ហ្វៃល៍ រវាងម៉ាស៊ីនកុំព្យូទ័រទាំងពីរទៅវិញទៅមកបានងាយ ក្រៅពីនេះយើងនៅអាច Share internet connection បានផងដែរ ។ តែសូមប្រយ័ត្នចំពោះអ្វីដែលយើងទិញយកមកប្រើនោះផង ព្រោះខ្សែកាបយូអេសប៊ីប្រភេទនេះ វាមានច្រើនបែប ដោយរួមទាំងខ្សែយូអេសប៊ីប្រភេទធម្មតាផងដែរ ។ សូមមើលរូបខាងក្រោមនេះ ខ្សែយូអេសប៊ីទាំងពីរខាងលើនេះ មាន
រូបរាងដូចគ្នា តែអ្វីដែលវាអាចធ្វើបាន គឺមិនដូចគ្នាទេ ។ ឯខ្សែយូអេសប៊ីមួយបែបទៀត គឺជាខ្សែយូអេសប៊ីសម្រាប់តភ្ជាប់ទៅកាន់គ្រឿងផ្សេងៗ ដូចជា ព្រីនថឺរ ស្កេនណឺរ ហាដឌីសក្រៅជាដើម មិនអាចយកមកតភ្ជាប់ពីកុំព្យូទ័រទៅកុំព្យូទ័រមួយទៀតបានឡើយ បើពុំនោះទេ វានឹងបណ្ដាលឱ្យខូចកុំព្យូទ័រទាំងពីរជាមិនខាន ។

ដើម្បីឱ្យការបញ្ជូនហ្វៃល៍បានលឿន សូមជ្រើសរើសយកយូអេសប៊ីប្រភេទ Version 2.0-3.0 ព្រោះវាមានល្បឿនលឿនជាង Version 1.1 ដែលមានចំណាស់ចាស់ហួសទៅហើយ ។

USB Cable ទាំងពីរបែបខាងលើនេះ មានប្រូក្រាមរបស់វាមកជាមួយ ដើម្បីឱ្យវាអាចប្រើការបាន បើពុំនោះទេ យើងមិនអាចប្រើការវាបានឡើយ បើគ្មានប្រូក្រាម Driver របស់វា ។

វិធីប្រើ និង Install វាមានភ្ជាប់មកជាមួយស្រាប់ វាជាភាសាអង់គ្លេស និងជា PDF File អាចបើកមើលដោយប្រើ Adobe Acrobat ។ តែយើងក៏អាចមើលតាមវិធីតម្លើង តាមរយៈការណែនាំដែលមានមកជាមួយខ្សែកាបនោះបានដែរ ។ វិធីធ្វើ និងវិធីតម្លើងឱ្យអាចប្រើការបាន គឺសឹងស្រដៀងគ្នា មិនមានអ្វីខុសគ្នាច្រើនឡើយ ។ ហ្វៃល៍នេះ មានដាក់ភ្ជាប់ក្នុងកញ្ចប់ Folder របស់ព្រឹត្ដិប័ត្រនេះ ។

ក្រៅពីប្រូក្រាម ដែលមកជាមួយខ្សែកាបយូអេសប៊ីនោះ យើងក៏អាចប្រើប្រូក្រាមក្រៅជាមួយខ្សែកាបយូអេសប៊ីនេះបានដែរ តែត្រូវឱ្យប្រាកដថា ខ្សែដែលយើងមាននោះ វាអាចឱ្យប្ដូរពី Data Bridge Mode and network Mode បាន ។ ប្រូក្រាមនោះ មានឈ្មោះថា PClinq2.exeវាជាប្រូក្រាមមួយដែលបង្កើតឡើងដោយជនអនាមិក គ្មានឈ្មោះជាម្ចាស់ និងត្រូវបានគេចម្លងចែកគ្នាប្រើយូរមកហើយ (មិនបាច់ទិញទេ) ក្នុងករណីដែលយើងគ្មានសូហ្វវែរ យើងអាចប្រើវាជាជំនួសបាន ។ វិធីប្រើ ៖

សូមកំទាន់ដោតខ្សែយូអេសប៊ីនេះ, ត្រូវ Install Software ជាមុនសិន ( Software come with USB Cable) ត្រូវរង់ចាំរហូតយើង Install វារួចរាល់ហើយទើបភ្ជាប់ខ្សែ USB Cable

រូបភាពខាងលើនេះ បង្ហាញពីការភ្ជាប់សម្រាប់ File Transfer រូបភាពខាងក្រោមនេះ បង្ហាញពីការភ្ជាប់សម្រាប់ Network and Internet Sharingរូបភាពខាងលើនេះបង្ហាញពីការភ្ជាប់សម្រាប់សម្រាប់ USB - USB Network បញ្ជូនហ្វៃល៍និង Share Internet ទៅឱ្យម៉ាស៊ីនមួយផ្សេងទៀត ។ វាគឺជាវិធីមួយដែល បើយើងមិនមានជម្រើសណាផ្សេង ឬជម្រើសផ្សេងទៀត មិនអាចប្រើការបានក្នុងខណៈដែលយើងត្រូវការ ។

យើងអាចប្រើ MiFi 2200 (WiFi hotspot) សម្រាប់ File Tansfer and Internet Sharing សម្រាប់កិច្ចការស្រដៀងគ្នានេះផងដែរ វាមានភាពងាយស្រួលជាង មួយវិញទៀត យើងអាចចែកការ ប្រើអ៊ិនថឺរណិតបានរហូតដល់កុំព្យូទ័រចំនួន ៥គ្រឿង អាចបញ្ជូនហ្វៃល៍រវាងម៉ាស៊ីនដែលយើងបានភ្ជាប់ជាមួយ ។ វាមានតម្លៃត្រឹមតែ៤៥ ដុល្លារទៅ ១០០ ដុល្លារតែប៉ុណ្ណោះ ។

វាមានទំហំតូចងាយស្រួលយកតាមខ្លួន តែសម្រាប់ការភ្ជាប់អ៊ិនថឺរណិត វាមានល្បឿនមិនប្រក្រតីឡើយព្រោះវាអាស្រ័យទាំងស្រុងទៅលើទីតាំងនិងកន្លែងដែលយើងប្រើវា ។ យើប្រើវាក្នុងករណី ដែលយើងមានក្រុម មានគ្នាដែលត្រូវចែករំលែកហ្វៃល៍ភ្លាមៗ ៕

Source:CEN

ចំនេះដឹងពីបច្ចេកវិទ្យា

Pages

Sunday, November 27, 2011

ការណែនាំអំពីសេវាកម្ម Google+

Wednesday, November 23, 2011

របៀបភ្ជាប់ទំនាក់ទំនងជាមួយគ្នារវាងកុំព្យូទ័រពីរ

ចែករំលែកឯកសារពីកុំព្យូទ័រមួយទៅកុំព្យូទ័រមួយទៀត

Tuesday, November 22, 2011

តភ្ជាប់កុំព្យូទ័រពីរគ្រឿង តាមរយៈ USB (Connect two computers for files and internet sharing)

Counter

អ្នកទស្សនា

Pages

Sunday, November 27, 2011

ការ​ណែនាំ​អំពី​សេវាកម្ម Google+

Wednesday, November 23, 2011

​របៀប​​​ភ្ជាប់​​​ទំនាក់​ទំនង​ជាមួយ​គ្នា​រវាង​កុំព្យូទ័រ​ពីរ​

ចែករំលែក​ឯកសារ​ពី​កុំព្យូទ័រ​មួយ​ទៅ​កុំព្យូទ័រ​មួយទៀត

Tuesday, November 22, 2011

ត​ភ្ជាប់​កុំព្យូទ័រ​ពីរ​គ្រឿង តាមរយៈ USB (Connect two computers for files and internet sharing)

ការណែនាំអំពីសេវាកម្ម Google+

របៀបភ្ជាប់ទំនាក់ទំនងជាមួយគ្នារវាងកុំព្យូទ័រពីរ

ចែករំលែកឯកសារពីកុំព្យូទ័រមួយទៅកុំព្យូទ័រមួយទៀត

តភ្ជាប់កុំព្យូទ័រពីរគ្រឿង តាមរយៈ USB (Connect two computers for files and internet sharing)