បច្ចុប្បន្ននេះមានក្រុមហ៊ុនទូរស័ព្ទជាច្រើនកំពុងផ្តល់សេវា Internet នៅក្នុងព្រះរាជាណាចក្រកម្ពុជា ។ ក្រុមហ៊ុននីមួយៗមានប្រព័ន្ធ និងវិធីផ្តល់សេវា Internet ខុសៗគ្នា ចំពោះតម្លៃវិញក៏ខុសគ្នាដែរ ដោយត្រូវបានគេបែងចែកទៅតាមវិធីនៃរបៀបទទួលសេវា ឬគិតទៅតាមល្បឿន ឬជាកញ្ចប់សេវា ។ សម្រាប់អ្នកប្រើគិតតាមចំនួន Kilobyte, ឬគិតជាល្បឿន តម្លៃមានភាពខុសគ្នាច្រើនគួរសម ។
ជាធម្មតានៅពេលយើងចាប់ផ្តើមចុះឈ្មោះប្រើជាដំបូង យើងសង្កេតឃើញថា អ្វីៗហាក់បីដូចជាល្អ ល្មមទទួលយកបាន ប៉ុន្តែក្រោយពីប្រើបានរយៈពេល ១សប្តាហ៍ ឬច្រើនជាងនេះបន្តិចយើងអាចកត់សំគាល់ឃើញថា ល្បឿនមានការធ្លាក់ចុះ ជាហេតុធ្វើឲ្យយើងត្រូវប្រើលើសពីធម្មតា បើសិនយើងប្រើសេវា ដែលមានកំណត់ចំនួន Kilobite នោះយើងអាចនឹងប្រើលើសពីចំនួន ដែលបានកំណត់ក៏មាន ។
ដើម្បីឲ្យមានភាពងាយស្រួលក្នុងការសម្រេចចិត្ត និងជ្រើសរើសសេវារបស់ក្រុមហ៊ុនណាមួយមកប្រើ សូមពិនិត្យមើលទៅលើសេវាផ្សេងៗ របស់ក្រុមហ៊ុននីមួយៗ និងបញ្ហាបច្ចេកទេសខ្លះៗទាក់ទងដល់ការប្រើសេវា Internet របស់ក្រុមហ៊ុនទាំងនោះ ។
វិធីសាស្ត្រនៃការផ្តល់សេវា Internet :
សេវា Internet ត្រូវបានផ្តល់ចែកចាយដោយវិធីជាច្រើនរួមមាន :
- ខ្សែកាបអុបទិច
- ខ្សែទូរស័ព្ទ (ខ្សែទូរស័ព្ទអចល័ត)
- ប្រើអង់តែន
- ខ្សែ Cable digital
- តាមរយៈ wifi (ប្រព័ន្ធ wireless)
* តាមរយៈ Mobile Broad band (ប្រើប្រព័ន្ធទូរស័ព្ទចល័ត)
- តាមរយៈ Lease line
- តាមរយៈផ្កាយរណប
- និងតាមវិធីច្រើនទៀត
ក្រុមហ៊ុនខ្លះមានផ្តល់វិធីច្រើនបែបសម្រាប់អ្នកជាវឲ្យអាចជ្រើសរើសបានទៅតាមសេចក្តីត្រូវការ ។ ចំណែកក្រុមហ៊ុនខ្លះទៀតបានរៀបជាកញ្ចប់សេវារួចជាស្រេច ដោយរួមមានទាំងការកំណត់តម្លៃ និងកំណត់ចំនួននៃការប្រើប្រាស់ទៅតាមតម្លៃដែលគេបានរៀបចំហើយ ។
ការជ្រើសរើសយកសេវាណាមួយ គឺអាស្រ័យទាំងស្រុងទៅលើទម្លាប់ និងការប្រើប្រាស់ ។
* សម្រាប់អ្នកប្រើ Internet ' on the go ' សេវាទាំងប៉ុន្មានខាងលើនេះអាចមិនត្រូវតាមសេចក្តីត្រូវការនោះទេ គួរប្រើប្រាស់សេវាបែប Mobile Broad band វិញ ពីព្រោះវាអាចឲ្យយើងប្រើ Internet នៅទីណាក៏បាន ដរាបណាមានសេវាប្រព័ន្ធទូរស័ព្ទនោះទៅដល់ ឬអាចចាប់សញ្ញាសេវាបានពេញលេញ ។
* សម្រាប់អ្នកដែលប្រើ Internet នៅតាមផ្ទះវិញទោះត្រូវប្រើរាល់ថ្ងៃ ឬម្តងម្កាលក្តី អាចជ្រើសរើសសេវាមួយណាក៏បានទាំង Mobile Broad band និងសេវាដទៃឯទៀត ។
សម្រាប់អ្នកមានឡេបថប់ (Laptop) ការប្រើសេវា Mobile Broad band មានភាពប្រសើរជាង ពីព្រោះទោះយើងនៅទីណាក៏ដោយ សេវា Internet ទៅជាមួយយើងជានិច្ច ។ តែសម្រាប់អ្នកដែលគ្មាន Laptop នោះ ហើយប្រើ Computer ប្រភេទ Desktop នៅតាមផ្ទះ ឬកន្លែងធ្វើការគួរប្រើសេវា Internet បែបធម្មតាវិញប្រសើរជាង ។
មុនពេលជាវសេវាណាមួយសូមពិនិត្យមើលបញ្ហាមួយចំនួន
* ចំនួន Kilobyte ដែលយើងទទួលបានតើត្រូវបានគេគិតជាការប្រើដោយមានកំណត់ ឬគ្មានកំណត់ បើសិនចំនួន Kilobyte នេះមានកំណត់ចំនួនសម្រាប់ឲ្យយើងប្រើ ។ ឧទាហរណ៍ បើគេកំណត់ឲ្យយើងចំនួន 1500 Mb ឲ្យយើងសម្រាប់រយៈពេល ១ខែ យើងចាំបាច់ត្រូវធ្វើការគណនាមួយពីចំនួនដែលយើងប្រើប្រាស់ តើច្រើន ឬតិចជាងចំនួនកំណត់របស់គេនោះដែរឬទេ បើសិនជាការប្រើប្រាស់របស់យើងច្រើនជាងចំនួនដែលគេបានកំណត់នោះ យើងចាំបាច់ត្រូវជ្រើសរើសយកកញ្ចប់សេវា ឬជ្រើសយកការប្រើដោយគ្មានកំណត់ជាជំនួសវិញ ដើម្បីការពារការប្រើលើសពីចំនួនកំណត់ ។
មានក្រុមហ៊ុនជាច្រើនបានកំពុងធ្វើ Promotion ផ្តល់សេវា Internet គ្មានកំណត់ ការប្រើប្រាស់ប្រចាំខែ ដោយមានបញ្ចុះតម្លៃយ៉ាងទាប មកនៅត្រឹមតែក្រោម ៣៥ដុល្លារ ក្នុ១ខែ ចំណែកល្បឿននៃការប្រើប្រាស់វិញគឺចន្លោះ 128kb/64kb (ទំហំនេះត្រូវយកមកចែកនឹង៨ នោះយើងនឹងបានតួលេខល្បឿនពិតប្រាកដមិនខាន) ។
- 128kb៖8= 16kb (upload) (អាចតិចឬច្រើនជាងនេះ)
- 64kb៖8= 8kb (Download) (អាចតិចឬច្រើនជាងនេះ)
ទោះជាល្បឿនកំណត់គេបានដាក់មកចំនួនប៉ុន្មានក៏ដោយ វានឹងមិនពិតទេ ដើម្បីឲ្យដឹងពីចំនួនពិត គឺត្រូវចែកចំនួនល្បឿននោះជាមួយ ៨ នោះយើងនឹងបានតួលេខល្បឿនមិនខាន តែវាមិនមែនស្ថិតនៅក្នុងកម្រិតល្បឿន ដែលយើងចែកឃើញនោះទាំងស្រុងឡើយ គឺវាឡើងវាចុះច្រើនជាង ឬតិចជាងនោះរកកំណត់មិនបានឡើយ ។ យើងពិបាកកំណត់ថា វានឹងមានល្បឿនមួយស្មើបានណាស់ ពីព្រោះល្បឿនរបស់ Internet អាស្រ័យលើកត្តាច្រើនយ៉ាងណាស់ ។
ហេតុនេះមុនសម្រេចជ្រើសយកកញ្ចប់សេវាណាមួយគួរគិតឲ្យបានហ្មត់ចត់ជាមុនសិន ពីព្រោះកាលណាយើងសម្រេចចិត្តទិញហើយ យើងត្រូវបង់លុយឲ្យគេទាំងប្រាក់កក់ ទាំងតម្លៃសេវាប្រចាំខែ អាចទាំងតម្លៃគ្រឿងឧបករណ៍ផងក៏មាន ។ នៅពេលយើងបង់តម្លៃកញ្ចប់សេវាណាមួយហើយ ទោះសេវានោះល្អក្តី មិនល្អក្តី យើងចាំបាច់ត្រូវតែប្រើ យើងមិនអាចសុំគេផ្តាច់វិញបានឡើយ ត្រង់បញ្ហានេះមានក្រុមហ៊ុនខ្លះបានកំណត់រយៈពេលឲ្យយើងដូចជា ៣ខែ, ៦ខែ ទើបអាចផ្តាច់វិញបាន តែចំពោះក្រុមហ៊ុនភាគច្រើនមិនបានកំណត់កាលវេលានៃការផ្តាច់សេវានេះឡើយ គឺយើងអាចសុំផ្តាច់វិញនៅពេលណាក៏បាន បើយើងយល់ថា សេវាដែលយើងជាវមកនោះមិនសមតាមសេចក្តីត្រូវការទេនោះ ។
មានក្រុមហ៊ុនជាច្រើនបានបង្កើតឲ្យមានកញ្ចប់សេវាបែបអ្នកប្រើជាបុគ្គល ឬការប្រើតាមផ្ទះ ឬសម្រាប់សិស្សនិស្សិតជាដើម សេវាទាំងនេះច្រើនមានតម្លៃថោក ត្រឹមតែជាង ១០ដុល្លារ ទៅជាង ២០ដុល្លារ ប៉ុណ្ណោះក្នុង ១ខែ ។ ប៉ុន្តែក្នុងតម្លៃនេះអាចត្រូវគេភ្ជាប់ជាមួយតម្លៃឧបករណ៍ប្រាក់កក់ ថ្លៃ VAT 10% និងតម្លៃនៃការប្រើប្រាស់ខែដំបូងផង ដូច្នេះបើសិនជាសរុបចូលគ្នា យើងអាចត្រូវបង់ឲ្យគេច្រើនជាងតម្លៃ ដែលគេបានដាក់ប្រកាសឲ្យឃើញនោះ ។
កញ្ចប់សេវាសម្រាប់អ្នកប្រើតាមផ្ទះ ឬសម្រាប់សិស្ស និស្សិតនេះច្រើនមានល្បឿនត្រឹម 64kbps ទាំង Download និង upload យើងអាចទទួលបានល្បឿនមួយល្មមត្រឹមអាចបើកមើលវេបសាយម្តងម្កាលប៉ុណ្ណោះ បើសិនជាយើងត្រូវប្រើវាជាប់រាល់ៗថ្ងៃ ចំនួន Kilobyte ដែលគេបានអនុញ្ញាតឲ្យអាចមិនគ្រប់ល្មមសម្រាប់ការបើកប្រើរាល់ថ្ងៃឡើយ ។ ដូច្នេះបើសិនយើងត្រូវការប្រើលើសពីចំនួន Kilobyte ដែលគេបានរៀបតាមកញ្ចប់សេវា យើងគួរជ្រើសយកកញ្ចប់សេវាណាមួយផ្សេងវិញ ដែលយើងយល់ថាគ្រប់ល្មមតាមសេចក្តីត្រូវការរបស់យើង ។
សម្រាប់ការប្រើប្រាស់តាមក្រុមហ៊ុន ឬត្រូវការបែងចែកសេវាឲ្យ Computer ច្រើនគ្រឿងប្រើក្នុងពេលតែមួយ សូមជ្រើសយកកញ្ចប់សេវា ដែលមិនមានកំណត់ប្រសើរជាងជ្រើសយកសេវា ដែលមានកំណត់ ពីព្រោះទំហំនៃការប្រើប្រាស់របស់យើងអាចច្រើន ឬតិចមិនទៀងទាត់ ។ បើយើងបានប្រើលើសគេនិងតម្រូវឲ្យយើងបង់ថ្លៃនៃការប្រើលើសនោះជាមិនខាន តែមុនពេលគេឲ្យយើងបង់ គេនឹងផ្តាច់មិនឲ្យយើងប្រើឡើយ រហូតទាល់តែយើងបានបង់ថ្លៃដែលបានប្រើលើសនោះសិន ឬប្តូរទៅជាកញ្ចប់សេវាផ្សេង បង់លុយបន្ថែមថែមទៀតឲ្យគេ បើយើងចង់ប្តូរថាយកកញ្ចប់សេវា ដែលមានចំនួន Kilobyte ច្រើនជាងក៏ថាបាន ។ ប៉ុន្តែជាការល្អបំផុត និងដើម្បីការពារការបង់តម្លៃប្រើប្រាស់លើសពីធម្មតានោះ យើងគួរតែជ្រើសយកកញ្ចប់សេវាគ្មានកំណត់ ' Unlimited ' ក្នុងគ្រាដំបូងតែម្តង ប្រសើរជាង ព្រោះយើងអាចប្រើដោយសេរី មិនមានការកំនត់ឡើយ ។
កញ្ចប់សេវាប្រើ Internet ដោយមិនកំណត់នេះ ច្រើនត្រូវបានគេរៀបចំក្នុងតម្លៃផ្សេងៗគ្នា ជាពិសេសតម្លៃរបស់វា ភាគច្រើនត្រូវបានគេរៀបតាមចំនួននៃល្បឿនមានចាប់ពី 96kbps រហូតដល់ 1Mps ចំពោះតម្លៃវិញទៀតសោត ក៏ត្រូវបានគេរៀបចំទៅតាមនោះដែរ ។ យើងអាចជ្រើសយកកញ្ចប់សេវាណាមួយក៏បាន ដោយយោងជាសំខាន់ទៅតាមការប្រើប្រាស់ និងចំនួនទឹកប្រាក់ដែលយើងអាចចំណាយបានសំរាប់កញ្ចប់សេវា ដែលយើងបានជ្រើសយកនោះ ។
* តើក្រុមហ៊ុនណាមួយ ដែលផ្តល់សេវាល្អជាងគេ !
ក្រុមហ៊ុនភាគច្រើនបានព្យាយាមផ្តល់សេវាមួយយ៉ាងល្អ សម្រាប់អតិថិជនរបស់ខ្លួន ឯក្រុមហ៊ុនខ្លះមិនបានយកការផ្តល់សេវាមួយល្អដល់អតិថិជនរបស់ខ្លួនឡើយ តែផ្ទុយទៅវិញឆ្លៀតកេងយកប្រយោជន៍ពីអតិថិជនរបស់ខ្លួនទៅវិញ ដូចជាកេងយកចំនួន Kilo នៃការប្រើ បន្ថយល្បឿននៃការប្រើ ដើម្បីឲ្យប្រើច្រើន ចំណាយពេលនៃការលើសពីចំនួនធម្មតា ៘ និង ៘
ដើម្បីឲ្យដឹងថា ក្រុមហ៊ុនណាមួយផ្តល់សេវាមួយដែលល្អ ឬប្រសើរ មានការយកចិត្តទុកដាក់ចំពោះអតិថិជន យើងគួរសាកសួរទៅអ្នកដែលប្រើ Internet តាមទីកន្លែងផ្សេងៗ ឬសុំឲ្យក្រុមហ៊ុនផ្តល់ព័ត៌មានមួយជាក់លាក់ ស្តីពីសេវាដែលខ្លួនមាន ឬអ្នកដែលជាអតិថិជនរបស់ខ្លួនកំពុងប្រើប្រាស់ណាមួយ ដែលអាចឲ្យយើងសួរព័ត៌មានបន្ថែមបាន ។ ក្រុមហ៊ុនខ្លះអាចនឹងផ្តល់ចម្លើយមួយយ៉ាងល្អ ចំពោះយើងតែក្រុមហ៊ុនខ្លះទៀតអាចមិនប្រាប់យើងពីអតិថិជន ដែលកំពុងប្រើសេវារបស់គេឡើយ ។ មូលហេតុដែលយើងចាំបាច់ត្រូវសាកសួរព័ត៌មានខ្លះពីអ្នកប្រើសេវារបស់ក្រុមហ៊ុនណាមួយ គឺដើម្បីឲ្យបានដឹងព័ត៌មានជាមុនខ្លះៗ មុនពេលយើងសម្រេចជ្រើសយកសេវាណាមួយមកប្រើ ។
មានវិធីច្រើនយ៉ាងដែលយើងអាចស្វែងរកព័ត៌មានស្តីពីក្រុមហ៊ុនដែលផ្តល់សេវា Internet សូមសាកសួរឲ្យបានច្រើនក្រុមហ៊ុន នោះយើងនឹងអាចដឹងបានថា ក្រុមហ៊ុនណាមួយដែលយើងគួរជ្រើសយក ធ្វើជាអ្នកផ្តល់សេវា Internet ឲ្យយើង ដែលអាចទុកចិត្តបាន និងភាពស្មោះត្រង់ពិតចំពោះអតិថិជនរបស់ខួន ។ ចំពោះការប្រើ Internet តាមរយៈ Mobile Broadband គឺជាវិធីមួយដែលងាយស្រួលជាងគេ ។
ដើម្បីឲ្យមានភាពងាយស្រួលក្នុងការជ្រើសរើសយកសេវារបស់ក្រុមហ៊ុនណាមួយនោះ សូមពិនិត្យមើលព័ត៌មានស្តីពីក្រុមហ៊ុននីមួយៗខាងក្រោមនេះ :
