Firefox គឺជាកម្មវិធីបើកគេហទំព័រដ៏ពេញនិយមសម្រាប់អ្នកប្រើប្រាស់ប្រព័ន្ធ អ៊ីនធឺណិតនៅជុំវិញពិភពលោក ។ វាមានបង្កប់នូវមុខងារពិសេសជាច្រើនព្រមជាមួយផ្ទាំងកម្មវិធីយ៉ាង ស្រស់ស្អាត ប៉ុន្ដែអ្វីដែលគួរឱ្យចាប់អារម្មណ៍ខ្លាំងបំផុតគឺលោកអ្នកមាន លទ្ធភាពធ្វើឱ្យកម្មវិធីនេះអាចដំណើរការបានលឿនជាងពេលធម្មតា ។
សូមសាកល្បងអនុវត្តតាមជំហាននីមួយៗដូចខាងក្រោមនេះ ៖
១. ដំបូង លោកអ្នកត្រូវបើកកម្មវិធី Firefox បន្ទាប់មកត្រូវវាយអក្សរ about:config នៅក្នុងប្រអប់អាសយដ្ឋាន ។ ពេលនោះ វានឹងចេញផ្ទាំងមួយដែលតម្រូវឱ្យលោកអ្នកចុចប៊ូតុង I'll be careful, I promise ដើម្បីបន្ដ ។
 |
២. បន្ទាប់មកទៀត លោកអ្នកនឹងឃើញតារាងអក្សរជាច្រើនជួរ ។
 |
៣. សូមស្វែងរកពាក្យ network.http.pipelining ហើយចុចកណ្ដុរស្តាំ រួចជ្រើសរើសយក Toggle ដើម្បីប្តូរតំលៃពី false ទៅ true ។
៤. បន្ដស្វែងរកពាក្យ network.http.proxy.pipelining ហើយចុចកណ្ដុរស្តាំ រួចជ្រើសរើសយក Toggle ដើម្បីប្តូរតំលៃពី false ទៅ true ដូចក្នុងជំហានទី៣ខាងលើ ។
៥. បន្ដស្វែងរកពាក្យ network.http.pipelining.maxrequests ហើយចុចកណ្ដុរស្តាំ រួចជ្រើសរើសយក Modify ដើម្បីប្តូរលេខដែលនៅក្នុងប្រអប់ពីទាបទៅខ្ពស់រហូតដល់ ៣០ ។
 |
៦. សូមចុចកណ្ដុរស្តាំនៅត្រង់ណាក៏បាន ហើយចុចយក New រួចជ្រើសរើសយក Integer ។ បន្ទាប់មក វានឹងទាមទារឱ្យដាក់ឈ្មោះដោយលោកអ្នកត្រូវវាយអក្សរ nglayout.initialpaint.delay រួចហើយចុច OK ។ វានឹងទាមទារឱ្យវាយលេខចូល ដូច្នេះសូមវាយលេខ ០ ។
 |
 |
៧. ជាចុងក្រោយ សូមបិទកម្មវិធី ហើយបើកវាឡើងវិញ ។ លោកអ្នកនឹងឃើញថា កម្មវិធី Firefox នឹងមានដំណើរការលឿនជាងមុន ៕
Source: Soursdei