ចំនេះដឹងពីបច្ចេកវិទ្យា: August 2012

Friday, August 31, 2012

ផ្ញើរឯកសារមានទំហំធំតាមអ៊ិនធឺណិតដោយឥតគិតថ្លៃ

មានក្រុមហ៊ុនផ្តល់សេវាកម្មសារអេឡិចត្រូនិក(Email)ជាច្រើនដូចជា Google Yahoo Hotmailដែលអនុញ្ញាតិអោយអ្នកធ្វើការផ្ញើសារ ឬក៏ឯកសារអោយគ្នាទៅវិញទៅមកដោយឥតគិតថ្លៃ។ ប៉ុន្តែការផ្ញើរឯកសារតាមសេវាកម្មរបស់ក្រុមហ៊ុនទាំងនេះ អ្នកមិនអាចផ្ញើរបានឯកសារដែលមានទំហំធំៗនោះទេ។ ភាគច្រើនក្រុមហ៊ុនទាំងនោះ អនុញ្ញាត្តិអោយអ្នកផ្ញើរបានឯកសារទំហំធំបំផុតគឺត្រឹម១០០ MB ប៉ុណ្ណោះ។ ចុះបើអ្នកចង់ផ្ញើរឯកសារទំហំធំជាងនេះដូចជា ១GB ឬក៏ ២GB នោះ តើអ្នកត្រូវធ្វើយ៉ាងណា?
គ្មានបញ្ហាទេ! អ្នកអាចផ្ញើរឯកសារដែលមានទំហំធំបែបនេះបានយ៉ាងងាយស្រួលបំផុត។ ជាមួយនឹងSizablesend អ្នកមិនបាច់ព្រួយបារម្ភក្នុងការផ្ញើរឯកសារដែលមានទំហំធំទៀតនោះ ទេ។ គេហទំព័រនេះអនុញ្ញាត្តិអោយអ្នកធ្វើការផ្ញើរឯកសារគ្រប់ប្រភេទទាំង អស់ដែលមានទំហំរហូតដល់ទៅ២GB។ មិនតែប៉ុណ្ណោះ Sizablesend ផ្តល់សេវាកម្មនេះដោយឥតគិតថ្លៃ គិតសេនអ្វីទាំងអស់។
តើធ្វើយ៉ាងម៉េចទៅដើម្បីផ្ញើរឯកសារតាមSizablesend?
- ចូលទៅកាន់គេហទំព័រ www.sizablesend.com

-បំពេញអាស័យដ្ឋានអ៊ីម៉ែល របស់អ្នកនៅក្នុងប្រអប់ Email និង អ៊ីម៉ែលរបស់មនុស្សដែលចង់ផ្ញើរឯកសារទៅអោយនៅក្នុងប្រអប់ Recipient’s Email។
-ចុចលើ Select Files ហើយជ្រើសរើសឯកសារដែលអ្នកចង់ធ្វើការផ្ញើរ
- បន្ទាប់ពីបានជ្រើសរើសហើយ អ្នកត្រូវធ្វើការរង់ចាំរហូតដល់វាធ្វើការUpload ចប់សព្វគ្រប់(រយៈពេលគឺអាស្រ័យទៅទំហំឯកសាររបស់អ្នក)។
- បន្ទាប់ពីបានធ្វើការUpload ហើយ វានឹងធ្វើការផ្ញើរឯកសារទៅកាន់មិត្តភក្តិរបស់អ្នកដោយស្វ័យប្រវត្តិ។

Source: Kumnit

Sunday, August 26, 2012

របៀបបិទផ្ទាំង Error លើ Windows

លោកអ្នកប្រើកុំព្យូទ័រប្រហែលជាធ្លាប់ជួបប្រទះ កម្មវិធី error មួយចំនួនហើយ ដែល error នោះជាប្រអប់សារមួយដែលបង្ហាញក្រោយពេលយើងបិទកម្មវិធី (exit program) ដូចខាងក្រោម៖

អ្នកប្រើប្រាស់ប្រហែលជាមានការធុញទ្រាន់នឹងផ្ទាំង error ខាងលើនេះហើយ នឹងផ្ដល់ជាគន្លឹះសម្រាប់បិទផ្ទាំង error នេះ។ ងាយទេសូមធ្វើតាមជំហានដូចខាងក្រោម៖

ជំហានទី១៖ ចុចលើប៊ូតុង Start របស់ Windows រួចវាយបញ្ចូលពាក្យ “services.msc”។

ជំហានទី២៖ រំកិល Mouse ចុះក្រោមរួចរកមើលឃ្លា “Program Compatibility Assistant Service” បន្ទាប់មកចុចស្ដាំ mouse នៅលើឃ្លាដដែលនេះ រួចរើសយកពាក្យ “Stop”

ជំហានទី៣៖ ក្រោយពីចុចលើ Stop រួចនឹងបង្ហាញផ្ទាំង Service Control មួយដែលបញ្ជាក់ពីការដែលយើងបិទ Serviceនេះ។

របៀបមួយផ្សេងទៀត

យើងក៏អាចចូលទៅបិទតាមរយៈ Local Group Policy Editor បានដូចគ្នាដែរ សូមមើលតាមជំហានខាងក្រោម៖

ជំហានទី១៖ ចុចលើប៊ូតុង Start របស់ Windows រួចវាយបញ្ចូលពាក្យ “gpedit.msc” រួច Enter។

ជំហានទី២៖ ក្រោយពី Enter រួចផ្ទាំង Local Group Policy Editor នឹងបើកឡើង បន្ទាប់មកចូលទៅ User Configuration\Administrative Templates\Windows Components\Application Compatibility មើលទៅផ្នែកខាងស្ដាំនៃផ្ទាំង Local Group Policy Editor យើងនឹងឃើញមានឃ្លា ” Turn off Program Compatibility Assistant” ។

ជំហានទី៣៖ ត្រង់នេះសូមចុច mouse ពីរដងទៅលើឃ្លាដដែល, ផ្ទាំង Turn off Program Compatibility Assistant នឹងបើកឡើង សូមចុចលើ Enable => Apply => OK ដើម្បីបិទជាការស្រេច។

បញ្ជាក់៖ សិទ្ធក្នុងការបិទ ផ្ទាំងErorr ខាងលើបាន លុះត្រាតែម៉ាស៊ីនរបស់អ្នកជាAdministrator និងបានតែលើWindows 7 និងVista។

Source : Sabay

Sunday, August 19, 2012

ដំណោះស្រាយបញ្ហាញៀននឹងFacebook

មានមនុស្សជាច្រើននៅលើពិភពលោកយើងនេះ មិនថាតែនៅប្រទេសកម្ពុជាយើងទេដែលមានបញ្ហានេះ ពោលគឺការចូលលេងនៅលើគេហទំព័របណ្តាញសង្គមនេះហួសកម្រិត។ ពួកគេបានចំណាយពេលជាច្រើនម៉ោងដើម្បីធ្វើការសរសេរនៅលើWallរបស់គេ ផ្តល់មតិ និងត្រួតពិនិត្យមើលរូបថតរបស់មិត្តភ័ក្តិ លែងហ្គេម និងធ្វើសកម្មភាពដ៏ទៃៗទៀតនៅលើគេហទំព័រមួយនេះ។ ប៉ុន្តែសកម្មភាពទាំងនេះបានលួចយកពេលវេលាដ៏មានតម្លៃរបស់យើងទៅដោយ មិនដឹងខ្លួន។

បើសិនជាអ្នកមានបញ្ហានេះ (ការញៀននឹងFacebook) ហើយមានបំណងចង់ដោះស្រាយ និងកាត់បន្ថយការលែងFacebook អត្ថបទនេះប្រហែលជាមានប្រយោជន៍សម្រាប់អ្នក។

ខាងក្រោមនេះគឺជាវិធី៦យ៉ាងដើម្បីដោះស្រាយនូវបញ្ហាខាងលើ៖

១- ដំបូងអ្នកត្រូវតែទទួលស្គាល់ថា ខ្លួនអ្នកកំពុងតែញៀននឹងFacebookនេះពិតមែន។ ចូរធ្វើការកត់សំគាល់រាល់សកម្មភាពដែលអ្នកបានធ្វើនៅលើគេហទំព័រ បណ្តាញសង្គមមួយនេះ? អ្នកត្រូវសួរខ្លួនឯងថា តើអ្នកទទួលបានលទ្ធផលអ្វីខ្លះនៅពេលដែលចូលទៅក្នុង គេហទំព័រមួយនេះ? អ្នកប្រហែលជាចូលទៅក្នុងFacebookដើម្បីត្រួតពិនិត្យមើលថា តើអ្នកបានទទួលមតិយោបល់ពីមិត្តរបស់អ្នកឬអត់ ឬក៏ដើម្បីផ្តល់មតិទៅលើរូបថតមិត្តរបស់អ្នក ធ្វើបច្ចុប្បន្នកាលកម្មពត៏មានផ្ទាល់ខ្លួនរបស់អ្នក បង្ហោះចម្រៀងថ្មីៗនៅទីនោះ និងធ្វើអ្វីផ្សេងៗទៀតដែលអ្នកអាចរស់បានដោយមិនចាំបាច់មានវា ។

២- ចូរកត់ត្រាអំពីចំនួនម៉ោងដែលអ្នកបានចំណាយជាមួយនឹងគេហទំព័រមួយនេះ រាល់ពេលដែលបានប្រើប្រាស់វា។ វាជាការសំខាន់ណាស់ ដែលអ្នកត្រូវដឹងអំពីចំនួនម៉ោងដែលអ្នកបានចំណាយជាមួយនឹងFacebook ដើម្បីអាចវាស់ពីកម្រិតនៃការញៀនរបស់អ្នក។

៣- កំណត់គោលដៅចំពោះការប្រើប្រាស់Facebook។ ធ្វើការកត់ត្រានូវរាល់គោលបំណងរបស់ជាមួយនឹងគេហទំព័រមួយនេះ។ ហេតុអ្វីបានជាអ្នកចុះឈ្មោះជាមួយនឹងបណ្តាញសង្គមមួយនេះ? ដើម្បីចងចាំថ្ងៃកំណើតមិត្តរបស់អ្នក? ដើម្បីស្វែងរក និងរក្សាទំនាក់ទំនងជាមួយមិត្តចាស់? ដើម្បីស្វែងរកមិត្តថ្មីៗ? ចូរចងចាំនូវរាល់គោលបំណងដែលមានចំពោះFacebook ហើយធ្វើការចូលទៅក្នុងគេហទំព័រមួយនេះដើម្បីបំពេញគោលបំណងរបស់អ្នក តែប៉ុណ្ណោះ ហើយត្រូវចាកចេញពីបណ្តាញភ្លាមបន្ទាប់ពីបានសម្រេចគោលបំណងរបស់អ្នក។

៤- ដាក់កាលវិភាគថាពេលណាដែលអ្នកត្រូវចូលទៅក្នុងគេហទំព័របណ្តាញ សង្គមមួយនេះ។ អ្នកគួរចំណាយពេលអោយបានសមរម្យជាមួយនឹងFacebook ព្រោះវាក៏ជាកន្លែងដែលផ្តល់នូវភាពសប្បាយរីករាយផងដែរ។ ប៉ុន្តែ ការចំណាយពេលហួសកម្រិតគឺជាអ្វីដែលអ្នកគួរចៀសវាង។ ត្រូវកម្រិតពេលវេលអោយបានច្បាស់លាស់ ថាពេលណាអ្នកគួរចូលទៅលែងនៅលើបណ្តាញសង្គមមួយនេះ ជាជាងការចូលទៅគ្រប់ពេលវេលាដោយមិនបានកំណត់ ។ ស្វែងរកពេលវេលាណាដែលសមរម្យ ហើយមិនគួរស្ថិតនៅលើគេហទំព័រមួយនេះលើសពី១ម៉ោងឡើយ (ជាធម្មតា ៣០ទៅ៤៥នាទី គឺវាគ្រប់គ្រាន់ល្មម)។

៥- ធ្វើការពិចារណាស្វែងរកសកម្មភាពផ្សេងៗទៀតដែលអ្នកអាចធ្វើបានក្រៅពី ការលែងFacebook។ ឧទាហរណ៍ ដូចជាការចំណាយពេលវេលាធ្វើការងារស្ម័គ្រចិត្ត អានសៀវភៅ សិក្សាភាសាបរទេស លែងកីឡា ដើរកម្សាន្តជាមួយមិត្តភ័ក្តិ -ល-។ ចំពោះខ្ញុំ ខ្ញុំក៏ធ្លាប់ញៀននឹងFacebooកផងដែរ។ ប៉ុន្តែបច្ចុប្បន្ននេះ ខ្ញុំបានចំណាយពេលវេលាដែលខ្ញុំធ្លាប់ខ្ចះខ្ជាយជាមួយ នឹងFacebook និងការជជែកកម្សាន្តតាមអ៊ិនធឺណិត ដោយយកពេលវេលានោះ ទៅចំណាយលើការរងារផ្សេងៗដូចជា បកប្រែអត្ថបទបរទេសទៅជាភាសាខ្មែរសម្រាប់គេហទំព័រមួយនេះ បង្កើតគេហទំព័រដើម្បីរកប្រាក់តាមប្រព័ន្ធអ៊ិនធឺណិត និងធ្វើកាសិក្សារស្រាវជ្រាវបន្ថែមដើម្បីបង្កើនសមត្ថភាព។

៦- ដំណាក់កាលចុងក្រោយគឺ បោះបង់Facebook។ ប្រសិនបើអ្នករៀបចំកាលវិភាគហើយ តែមិនអាចអនុវត្តបាន ហើយអ្នកទទួលស្គាល់ថាពេលវេលាដែលអ្នកបានចំណាយជាមួយនឹង Facebookគឺជាការខ្ជះខ្ជាយនោះ គឺអ្នកមានផ្លូវពីយ៉ាងដែលអ្នកអាចជ្រើសរើស។ ទីមួយគឺ ធ្វើអោយគណនីFacebookរបស់អ្នកអសកម្ម(Deactivate) និងទីពីរគឺលុបគណនីនៅFacebookរបស់អ្នកចោល។

វិធីខាងលើនេះគឺមិនប្រាកដថាអាចដោះស្រាយបញ្ហានៃការញៀនFacebookនេះ បានសម្រាប់មនុស្សគ្រប់រូបនោះទេ។ វាគ្រាន់តែជាការបង្ហាញផ្លូវខ្លះៗតែប៉ុណ្ណោះ។ អ្វីដែលសំខាន់ជាងគេគឺខ្លួនអ្នកផ្ទាល់ ដែលអាចយកជ័យជម្នះលើបញ្ហានេះបាន។ ប្រសិនបើអ្នកមានគោលបំណងច្បាស់លាស់ និងជំហររឹងមាំនោះ អ្នកប្រាកដជាអាចធ្វើបាន។ ពេលវេលាគឺពិតជាសំខាន់ណាស់សម្រាប់មនុស្សយើងគ្រប់រូប ដូចនេះយើងគួរតែប្រើប្រាស់វាប្រកបដោយប្រសិទ្ធភាព។ ចូរចាំថា ពេលវេលាដែលកន្លងទៅហើយគឺមិនអាចថយក្រោយវិញបានទេ។

Source: Kumnit

ចំនេះដឹងពីបច្ចេកវិទ្យា

Pages

Friday, August 31, 2012

ផ្ញើរឯកសារមានទំហំធំតាមអ៊ិនធឺណិតដោយឥតគិតថ្លៃ

Sunday, August 26, 2012

របៀបបិទផ្ទាំង Error លើ Windows

Sunday, August 19, 2012

ដំណោះស្រាយបញ្ហាញៀននឹងFacebook

Counter

អ្នកទស្សនា

Pages

Friday, August 31, 2012

ផ្ញើរឯកសារមានទំហំធំតាមអ៊ិនធឺណិតដោយឥតគិតថ្លៃ

Sunday, August 26, 2012

របៀប​បិទ​ផ្ទាំង ​Error​ ​លើ​ Windows

Sunday, August 19, 2012

ដំណោះស្រាយបញ្ហាញៀននឹងFacebook

របៀបបិទផ្ទាំង Error លើ Windows