អន្តរបណ្តាញ ឬភាសាបរទេសហៅថា អ៊ីនធើណិត (Internet) គឺជាបណ្តាញមួយដែលមានការតភ្ជាប់ទូទាំងពិភពលោករវាងម៉ាស៊ីនកូន និងម៉ាស៊ីនមេជាច្រើនដែលផ្ទុកនូវឯកសារយ៉ាងច្រើនសម្រាប់ឲ្យ ម៉ាស៊ីនកូនទាញយក ។ ទោះបីជាល្បឿនអ៊ីនធើណិតលឿនក៏ដោយ ប្រសិនបើលោកអ្នកគ្រប់គ្រងការទាញយកមិនបានល្អ វាអាចធ្វើឲ្យល្បឿននៃការទាញយកយឺត ។
នៅពេលទាញយកឯកសារណាមួយ លោកអ្នកក៏ស្រមៃផងដែរថា ល្បឿនអ៊ីនធើណិតជាមូលដ្ឋានរបស់ការទាញយក ។ ដោយឡែក វាមិនត្រឹមតែល្បឿនអ៊ីនធើណិតនោះទេគឺវាត្រូវគួបផ្សំជាមួយការ បែងចែកពេលវេលា និងការគ្រប់គ្រងបន្ទុកឯកសារផងដែរ ។
វិធីបង្កើនល្បឿនទាញយក ៖
១. ពិនិត្យសេវា អ៊ីនធើណិត ហើយប្រសិនបើពុំទាន់មានសេវាអ៊ីនធើណិត លោកអ្នកត្រូវចុះឈ្មោះជាមុនសិនជាមួយក្រុមហ៊ុនដែលផ្តល់សេវា កម្មនេះ ។ ល្បឿនសេវា អ៊ីនធើណិតគឺជាកក្តាដ៏សំខាន់បំផុតដែលទាក់ទងនឹងល្បឿននៃការទាញយក ។ បន្ទាប់មកលោកអ្នកត្រូវសម្រេចចិត្តថាតើលោកអ្នកគួរបង្កើន ល្បឿនប្រើប្រាស់សេវាកម្មអ៊ីនធើណិតដោយផ្ទាល់ (DSL) ឬ ការតភ្ជាប់តាមរយៈខ្សែ និងការប្រើប្រាស់ Dial-Up Internet Access ។ នៅខណៈដែលអ្នកមានខ្សែរួចហើយ នោះក្រុមហ៊ុនផ្តល់សេវាកម្មអ៊ីនធើណិតទំនងជាអាចផ្តល់សេវាកម្មបាន លឿនក្នុងការដំណើរការតភ្ជាប់ ។
២. លោកអ្នកត្រូវស្វែងយល់ឲ្យបានច្បាស់ពីល្បឿនសេវាកម្មអ៊ីនធើណិតរបស់ លោកអ្នក ។ ល្បឿនបណ្តាញត្រូវបានកំណត់ដោយចំនួនទិន្នន័យដែលអាចផ្តល់ក្នុង មួយវិនាទី ហើយជាទូទៅខ្នាតរបស់វាគឺមួយគីឡូបៃក្នុងមួយវិនាទី (Kbps) ឬក៏មួយម៉េហ្គាបៃក្នុងមួយវិនាទី (Mbps) ដែលមានរង្វាស់ខ្នាត ១០២៤គីឡូបៃ ស្មើនឹង ១ម៉េហ្គាបៃ ។ សម្រាប់ការតភ្ជាប់តាមរយៈ Dial-Up គឺមានល្បឿន ៥៦គីឡូបៃក្នុងមួយវិនាទី រីឯការតភ្ជាប់តាមរយៈខ្សែវិញគឺមានល្បឿន ២០ម៉េហ្គាបៃក្នុងមួយវិនាទី ។ នៅពេលដែលលោកអ្នកទាក់ទងដើម្បីភ្ជាប់អ៊ីនធើណិត ក្រុមហ៊ុនផ្តល់សេវាកម្មនេះនឹងណែនាំលោកអ្នកពីល្បឿន និងតម្លៃនៃសេវាកម្មនេះជូនលោកអ្នក ។
៣. បិទរាល់កម្មវិធីទាំងឡាយដែលអ្នកមិនត្រូវការនៅពេលកំពុងទាញយក ដូចនេះវាធ្វើឲ្យបរិមាណទំនេរក្នុងបន្ទុកនៅក្នុងកុំព្យូទ័រ កាន់តែទួលាយដែលងាយស្រួលក្នុងការចាប់យក និងផ្ទុកទិន្នន័យ ។ បើអាចទៅរួច លោកអ្នកគួរតែបន្តការទាញយកទិន្នន័យចោលទោះជាលោកអ្នកនៅឆ្ងាយពី កុំព្យូទ័រក៏ដោយ ។
៤. លោកអ្នកត្រូវទាញយកឯកសារដែលចង់បានជាមុនសិនបន្ទាប់មកសឹមទាញ យកឯកសារផ្សេងទៀតជាបន្តបន្ទាប់ ។ បើមិនដូច្នោះទេ ការទាញយកឯកសាររបស់លោកអ្នកនឹងកើនឡើងជាដំណើរព្រមគ្នាដែលជាហេតុ ធ្វើឲ្យល្បឿននៃការទាញយកកាន់តែយឺត ។
៥. ព្យាយាមបែងចែកពេលវាលានៃការទាញយកព្រោះមនុស្សជាច្រើនកំពុងតែ ទាញយកឯកសារដូចគ្នានៅកន្លែងតែមួយ ហើយនេះជាមូលហេតុធ្វើឲ្យល្បឿនទាញយកថយចុះ ។ ផ្ទុយទៅវិញ ប្រសិនបើលោកអ្នកបែងចែកពេលវេលានៃការទាញយកបានត្រឹមត្រូវ ចំនួនអ្នកទាញយកឯកសារនៅកន្លែងតែមួយមាចំនួនតិច នោះវានឹងធ្វើឲ្យល្បឿននៃការទាញយកមានការកើនឡើង ។
៦. លោកអ្នកគួរតម្លើងកម្មវិធីជំនួយដែលមានឈ្មោះថា Download Accelerator ។ វាជាកម្មវិធីថតចម្លងមួយដែលមានសមត្ថភាពកំណត់នឹងបែងចែកពេលវេលា នៃការទាញយកឯកសារបានត្រឹមត្រូវទៅតាមទីតាំងជាច្រើនផ្សេងគ្នា ។ វាមិនត្រឹមតែជាកម្មវិធីជំនួយក្នុងការទាញយក ប៉ុន្តែកម្មវិធីនេះក៏មានសមត្ថភាពអាចជួយរៀបចំឯកសារដែលលោកអ្នក បានទាញយករួចបានត្រឹមត្រូវផងដែរ ៕
Source: Soursdei
