សម្រាប់ ការដំឡើង Windows 7 ដែលគ្មាន License Key លោកអ្នកអាចប្រើប្រាស់បានត្រឹមតែ៣០ថ្ងៃប៉ុណ្ណោះ ។ ក៏ប៉ុន្តែ លោកអ្នកអាចធ្វើការពន្យារពេលទៅលើអាយុកាលប្រើប្រាស់សាកល្បងនេះបាន ទៅដល់១២០ថ្ងៃដោយមិនទាមទារ Key អ្វីនោះទេ ។ វិធីសាមញ្ញសម្រាប់ការងារនេះគឺនៅពេលជិតដល់ថ្ងៃផុតកំណត់៣០ថ្ងៃ លោកអ្នកគ្រាន់តែវាយ command ដ៏ងាយស្រួលមួយ ហើយគ្រាន់តែបើកដំណើរការកុំព្យូទ័រឡើងវិញប៉ុណ្ណោះ ។ គ្រាន់តែធ្វើបែបនេះ លោកអ្នកនឹងទទួលបាន៣០ថ្ងៃបន្ថែមទៀតសម្រាប់ការប្រើប្រាស់សាកល្បង ហើយលោកអ្នកអាចអនុវត្តវិធីនេះបានរហូតដល់១២០ថ្ងៃ ។របៀបអនុវត្ដន៍ ៖
ជំហានដំបូងគឺត្រូវពិនិត្យមើលថាតើនៅរយៈពេលប៉ុន្មានថ្ងៃទៀតដែល នៅសល់សម្រាប់រយៈពេលប្រើប្រាស់សាកល្បងនៃប្រព័ន្ធប្រតិបត្តិការ ។ លោកអ្នកអាចធ្វើបែបនេះបានដោយចុច Mouse ស្ដាំនៅលើពាក្យ Computer និងជ្រើសរើសពាក្យ Properties ។
ដើម្បីធ្វើការពន្យាររយៈពេលប្រើប្រាស់សាកល្បង លោកអ្នកត្រូវធ្វើដំណើរការនូវ Command Prompt ដោយចុច Mouse ស្ដាំនៅលើ Start Menu ហើយជ្រើសរើសយក Run as administrator ។
ជំហានបន្ទាប់ សូមវាយនូវ command ពាក្យ slmgr -rearm ។ ប្រមាណជាពីរទៅបីនាទី លោកអ្នកនឹងឃើញផ្ទាំងមួយបង្ហាញឡើងដែលប្រាប់អំពីលទ្ធផលជោគជ័យ ។ ជាចុងក្រោយ លោកអ្នកត្រូវបិទបើកដំណើរការម៉ាស៊ីនកុំព្យូទ័រឡើងវិញ ។
សូមធ្វើការពិនិត្យនូវ System properties ម្ដងទៀត ហើយនៅពេលនោះ លោកអ្នកនឹងរីករាយជាមួយរយៈពេលបន្ថែមនៃអាយុកាលប្រើប្រាស់សាកល្បង របស់ប្រព័ន្ធប្រតិបត្តិការ ។ ប្រាកដណាស់ លោកអ្នកគួរតែអនុវត្តនូវវិធីបែបនេះនៅពេលជិតដល់ថ្ងៃផុតកំណត់នៃ ការប្រើប្រាស់សាកល្បងរបស់ Windows 7 ៕
Source: Soursdei