ក្នុង ពេលបច្ចុប្បន្ននេះ យើងទាំងអស់គ្នាសុទ្ធតែទទួលស្គាល់ថា ទឹកថ្នាំរបស់ម៉ាស៊ីនបោះពុម្ពនៅលើទីផ្សារមានតម្លៃថ្លៃ ដូច្នេះប្រសិនបើយើងប្រើប្រាស់ដោយមិនមានការសន្សំសំចៃ នោះវានឹងនាំឱ្យខ្ជះខ្ជាយថវិការច្រើនជាមិនខាន ។
តើមានវិធីសាស្ត្រអ្វីខ្លះដែលអាចឱ្យលោកអ្នកសន្សំទឹកថ្នាំរបស់ ម៉ាស៊ីនបោះពុម្ព ? ខាងក្រោមនេះគឺជាការណែនាំខ្លះៗដែលអាចជួយដោះស្រាយស្ថានភាពនេះ ។
១. ប្រើមុខងារ Print Preview ដើម្បីបញ្ជៀសនូវកំហុសឆ្គងដែលអាចនាំឱ្យមានការបោះពុម្ពច្រើនលើកច្រើនសារ ។
២. គួរប្រើប្រាស់ម៉ាស៊ីនបោះពុម្ពជាប្រចាំយ៉ាងហោចណាស់ម្ដងក្នុងមួយសប្ដាហ៍ជៀងវាងការឆាប់រីងទឹកថ្នាំ ។
៣. បន្ថយភ្លើងមុននឹងបិទម៉ាស៊ីនដើម្បីទប់ទឹកថ្នាំនៅទីតាំងមួយដែលអាចបញ្ជៀសការរីងស្ងួតឆាប់រហ័ស ។
៤. គួរជៀសវាងការរក្សាទុកម៉ាស៊ីននៅក្នុងទីកន្លែងដែលមានសីតុណ្ហភាព ខ្ពស់ពេក ឬទាបពេកដែលធ្វើឱ្យប៉ះពាល់ទៅដល់កម្រិតទឹកថ្នាំ ។
៥. គួរប្រើប្រាស់ពណ៌ខ្មៅចំពោះឯកសារធម្មតាដែលមិនចាំបាច់ ។ ធ្វើដូច្នេះ លោកអ្នកប្រាកដជាអាចចំណេញដែលអាចរក្សាការប្រើប្រាស់ទឹកថ្នាំ ពណ៌ផ្សេងៗបានរយៈពេលយូរ ។
៦. គួរប្រើប្រាស់កម្មវិធីជំនួយដូចជា BookPrnt XP ដែលជួយកាត់បន្ថយការប្រើប្រាស់ទឹកថ្នាំនៅលើផ្ទៃទំនេរ ឬរូបភាពដែលមិនសំខាន់ ។
៧. ប្រសិនបើវាគ្រាន់តែជាឯកសារធម្មតា លោកអ្នកអាចផ្លាស់ប្តូរការកំណត់គុណភាពនៃការបោះពុម្ពពីខ្ពស់ទៅ មធ្យម ឬទាប ។ ចំពោះការផ្លាស់ប្តូរការកំណត់នេះ សូមលោកអ្នកចូលទៅទីតាំង Properties របស់ម៉ាស៊ីន ។
៨. គួរជៀសវាងប្រើប្រាស់ font ដែលស៊ាំញ៉ាំដែលនាំឱ្យចំណាយទឹកថ្នាំច្រើន ៕
Source: Soursdei